En 3 ESO levamos xa varios cursos poñendo en practica o «Obradoiro de Lectura Creativa», unha sinxela técnica que permite traballar de forma lúdica os hábitos lectores do alumnado, a partir de dúas obras do fondo da nosa biblioteca: Esfinxe. Relatos de pensamento creativo e Sherezade. Novos relatos de pensamento creativo.
Esta semana volvémolo realizar e fixémolo coa técnica cooperativa coñecida como 1-2-4, coa que o alumnado ten a oportunidade de traballar primeiramente de xeito individual e logo en parellas e grupo. O obxectivo final é que, despois de intercambiaren ideas, se poñan de acordo nunha resposta final común.
O xogo, a partir dos textos seleccionados, permite desenvolver capacidades básicas como a comprensión lectora, o razoamento crítico, o pensamento creativo e lateral...
En vista dos bos resultados, repetiremos!
